طـــــفـــولــهـ عـــشتــــهــــآ يــــوم مـــآ . .

بتكلم شوي بالعامية . . ها الموضوع عن طفولتي ايام الروضة
طبعا أول يوم سرت فيه الروضة كنت هادية وكتكوته وكان عندي جوتي اوميغا (اللي يطلع ليت) ومستاااااااااااااانسة فية وعقب ستوت عندي ربيعه أذكرها كانت تسوي ذيل حصان وربط شريطة وردية واطول عني بوايد طبعا
المهم بعد فتره انتقلت من المدرسة . . وبدت الطامه الكبرى
قمت ما اداني شي اسمه سكول . . واول ما اوصل الصف يبدا موال الصياح والصريخ والضرابة ووصلت المواصيل انه الابلة كانت تخلي ولد دب يوقف عند الباب عسب ما اظهر من الصف وطبعا نجحت الخطه لاني ماكنت اقدر احركه سنتمتر واحد وعاد لاحيله ايلس ابغ تحت تريوله واللي يقهر انه فحياته مارحمني وخلاني اظهر عاد ياحزركم وين كنت اسير . . كانت بنت خالي فالتمهيدي وصفهم مجابل صفنا واخوي بعد موجود صف 2 تقريبا . . بس انا كنت اشرد عند اخوي لانه بنت خالي كانت صغيره يعني مابتحميني من الابلات الشريرات اللي بيحاولن يردني الصف . . المهم . . تميت ع هالحل لين ماحد يته فكره عبقرية واللي هي اني انتقل صف بنت خالي يعني تمهيدي . . وبالفعل انتقلت بس كنت اعتبر بعدني روضة حتى كنت احل انشطة الروضة والون صورهم كان شكلي نشاز كلهم لابسين ازرق وانا الوحيده المختلفه لابسة وردي . . ومع اني كنت شاطره بس خلوني ادرس فالتمهيدي سنتين اهئ اهئ . . وابلتنا تأبرني اسمها خديجة سودانية . . بنت خالي كانت تسميها حديده خخخخخخخ
وكانت تحبني موت (ماعرف امين نازل عليها الحب مع اني كنت اكبر صيوحه ) وللحين عندي صور حقي وياها فحفلة التخرج . . وشفتها قبل جم سنه ماتغيرت طول وخذتني بالاحضان . .
المهم . . عاد شو اللي خلاني اذكر ايام الروضة . . انه قبل جم يوم بنت خالي كانت تخبرني انه كان فية واحد شرير حاط دوبه ودوبنا ويسمينا الثومة والبصلة (عاد ماعرف منو الثومه ومنو البصل بس لو خيروني جان خترت الثوم ^^ ) وعاد كنت انا النشمية اللي اسير اضارب واخذ حقي منه بس بصراحه ما اذكر هالسالفة طول . . وغير جي انه امس كلت بسكوت من زماااااااااااان ماكلته كنت اعشقة ايام الروضة واول مايدق الجرس طيراااان اشتريه (منتزقة)
ومره من زود النزقة . . دق جرس الفصحة وانا الحبيبة ماعرف شو كنت شاربة ع الصبح بس سرت شليت شنطتي ع ظهري وسرت المقصف يوم وصلت والا اشوف محد شال شنطته . . عاد ذيج الساعه وين اودي فيسي . . واللي زاد الطين بلة سمعت وحده تعلق علي . . تقول حق ربيعاتها شوفوا هذي يايبة شنطتها وعاد ماشافوا مني الا الغبره . . طيراااان الصف ارد الشنطه . . عاد ياحزركم شو هالبسكوت اللي يسوي فيني هذا كله هاي صورته

وفية بعد حلاوه نسميها لحية الشيبه . . بعد وحده من نزقاتي ايام الطفوله

ومره كان ويانا حفلة ماعرف شو مناسبتها بس شاركت فيها وساره متعدله ومتكشخلة وساحبة امي وياي ( يعني رزه اونه ) ويوم بدا الهز (اقصد الحفلة) مالحقت اسوي شي يمكن حركتين و طلع صوت اللي يغني مب واضح كنت آخر واحده جان يمطوني من كشتي دخلوني عندهم اغني وعاد قولوا شو الغنية ( مالة أحلام - اللي مايطول العنب) خخخخخخخخخخ
يعني ماعرف شدخلها بموضوع الحفله وامي ياية ومتعبه عمرها آخر شي طلعت بنتها كورال خخخخخخخ
ولا مره اخوي عنده اذاعه وهو فقرة الألغاز وقبلها بسبوع وهو يهددني اذا طلعت اجاوب يايويلي طبعا انا اعرف الاجابة لانه كان يدرب فالبيت . . حليلي كنت مضطهده لكن صبر جميل شو نسوي بعد .

وطبعا فالنهاية عدت الروضة مرتين لانهم اعتبروا السنه اللي درستها ويا بنت خالي فالتمهيدي هي روضة وعطوني شهاده وردية بعد مع اني كنت شطوره بعني لو عدوني وغير جي اني عدتها بثقة أكبر لاني خلاااص ستويت ما اصيح (اونه كبرنا). .